Ang Aking Pagkaunawa sa Aking Iniisip, Nadarama, at Ikinikilos: Halimbawang Aktibidad

Layon ng gawain o aktibidad na ito na matiyak na ang mga nagbibinata at nagdadalaga ay mayroong kaalaman tungkol sa kung ano ang pagkakaiba ng kanilang iniisip, nadarama at kinikilos.

 

Matututunan din nila rito ang ang kaugnayan ng iniisip, nadarama at kinikilos ng isang tao.

Para sa paksang ito, sangguniin ang: Koneksiyon ng Kaisipan, Damdamin, at Gawi: Ang Sariling Iniisip, Nadarama, at Kinikilos

Gamit ang panulat (ballpen o lapis) at papel (bond paper), sumulat ng sanaysay. Ang paksa ay kung paano mo nauunawaan ang pagkakaiba ng iyong iniisip, nadarama at ikinikilos.

 

Talakayin din sa essay (sanaysay) kung paano nagkakaugnay ang iyong iniisip, nadarama at ikinikilos.

 

Isumite ito sa guro sa susunod na klase.

Maaaring magtanong ang guro ng ilang mga mag-aaral kung sino ang nais magbahagi ng nilalaman ng kanilang sanaysay.

 

Magagamit ang mga kasunod na tanong sa talakayan:

 

1. Mula sa aktibidad, naunawaan mo ba ang pagkakaiba ng iyong iniisip, nadarama, at ikinikilos?

2. Sa tingin mo, anu-ano ang mga bagong kaalaman ukol sa iyong sarili ang natutunan mo sa araling ito?

3. Ano kaugnayan ng aktibidad sa kung paano maging isang teen-ager?

4. Sa tingin mo, ano nga ba ang “adolescence”?

 

Mahalaga ang pagkilala sa sarili lalo na ng isang nagbibinata o nagdadalaga. Mahalaga ito upang malampasan ang buong yugto ng adolescence.

 

Kaugnay nito, mahalaga ang pagkaunawa sa tamang ugnayan o koneksiyon sa pagitan ng ating iniisip, nadarama, at ikinikilos. Sa pamamagitan nito, binibigyan natin ang ating sarili ng pagkakataon upang piliin kung paano tayo kikilos.

 

Halimbawa, ang pagkaalam na mayroon tayong karapatang pumili ay nagbibigay sa atin ng pagkakataon upang magbago.

 

Tandaan lamang na hindi mapapanagot ang mga indibidwal sa kung ano ang kanilang nararamdaman at iniisip. Mapapanagot lamang sila sa magiging kilos nila batay sa mga ito.

 

 

Copyright © by Marissa G. Eugenio/ OurHappySchool.com

 

Ang mga kaugnay na paksa ay mahahanap sa search engine sa taas: https:// OurHappySchool.com/.
 

SA MGA GURO:
Maaari itong gawing online reading assignment o e-learning activity ng inyong mga estudyante, gamit ang ganitong panuto:
“Hanapin sa search engine ng OurHappySchool.com (o MyInfoBasket.com) ang artikulong [buong title ng artikulo]. Isagawa ang binabanggit na aktibidad. I-share sa iyong social media account* kalakip ang iyong mga natutunan sa gawain. I-screen shot ang iyong post at ipasa sa teacher.”

 

 

May mga libreng lektura sa site na ito, OurHappySchool.com, na makatutulong sa iyo. Mahahanap sila sa search engine sa itaas.

 

 

Ang koneksyon ng iniisip, nadarama, at kinikilos

Pagbabago sa pisyolohikal, kognitibo, at sikolohikal na pag-unlad o pagbabago sa panahon ng adolescence.